بعاد

رغم رحيلك عنى لسه بعيش
رغم بعادك قلبى لسه مفارقنيش
أيوة لوحدى
أيوة دموعى فى قلبى يتجرى
لكن عايش
رغم رحيلك ممكن أغنى
ممكن أضحك
أيوة الضحكة مش من القلب
بس أهى ضحكة
أصل حياتى حتمشى حتمشى
بيك من غيرك
حكمل كل المكتوب ليا
حوصل أخر حتى فى عمرى
وساعتها حسلم أمرى

نصين

نصين 
قسمونا اتنين
قسمونا نصين 
بين لأ وأه 
بقينا حزبين 
وغلابة كتير تايهين 
فى الزحمة 
مابين الاتنين 
ومدش عارف 
رايحين على فين 

حيرة النملة

حيرة النملة 
محتار حيرة النملة 
أدخل الجحر 
ولا أستنى 
الجحر خنقة وضلمة 
وبرة حستهوا 
واقف أفكر 
ومحتار بين برة وبين جوا 
برة الحياة ألوان 
زهيا ومنورة 
جوا السواد لافف جدار المقبرة 
طب أعمل أيه انا 
فى حيرة ملهاش أخر 
أخرتها حبت مياة 
أغرق 
أموت أتنسى 

حالة ملل

حالة ملل 

هى حالة بحتاج أكون مع نفسى فيها 
أسكت وأكون زى الحجر 
وأفكر كثير فى اللى عدا واللى حصل 
واسأل سؤال ورا السؤال 
مرة أجاوب ومرة أحتار 
أنزل ولف فى الشوارع وأبص فى وشوش البشر 
أدور على ضحكة فى وش طفل تدينى الأمل 
صحيح لاقيت الضحكة 
بس مالاقيت الأمل 
وأقعد أفكر كتير فى حالى 
وأسأل سؤال لازم يتسأل 
أنا أى اللى خالنى أدخل حالة الملل ؟ 

أهلا بيك

أهلا بيك 

رجعت ورجعت معاك الابتسامة اللى كنت نيستها 
رجعت الضحكة 
رجعت الفرحة 
ما هو أنت الضحكة وأنت الفرحة 
أنت حياتى وكل ما ليا 
أنت عبير الحب الصافى 
أنت حنان النبع الدافى 
أهلا بيك وياريت توعدنى 
أن دى أخر مرة تسيبنى 
أهلا بيك يا حبيب العمر 
راجع تانى لحب العمر 

فرصة أخرى

فرصة أخرى 

فرق بينهما الزمن ومضى كل منهما فى طريقه . 
ولكن كان يحمل كل واحد منهما ذكرياته بداخله لا تفارقه ولا يفارقها 
تلك الذكريات بالنسبة لهما كانت هى الدواء الوحيد المسكن لألام البعد والفراق 
ولكن أراد الله أن يعطيهما فرصة ثانية 
لقاء ثانى 
هو مصمم هذه المرة أن لا تضيع من يداه 
هى خائفة من كل شئ . خائفة من تكرار تجربة الفراق 
يطمئنها بشتى الطرق 
فهو فى هذه المرة مستجمع كل إرادته للوضصول إلى غايته 
وهو ليس لديه غاية سواها 
فهو هذه المرة لن يتركها 
لا يريد منها سوى قليل من الإيمان بأن الله لن يخذلهما 
يتمنى أن تثق به . هذه المرة لن تكون كسابقتها 
هذه المرة هو على استعداد لمحاربة العالم بأسره من أجل عينها 
هذه المرة هو أقوى 
ذلك لأنه  بكل معانى الكلمة يحبها 

الحساب

الحساب 

لماذا نحاسب غيرنا ولا نحاسب أنفسنا 
لماذا نعلق على أخطاء الأخرين 
ولا ننظر إلى أخطائنا 
هل هناك أحد لا يخطأ ؟ 
كلا كلنا نخطأ ونصيب 
ولكن كثيراً لا نقف على أخطائنا 
ولكن حين يخطأ الأخر . تصبح كارثة 
تنصب المحاكم ونصدر الأحكام سريعاً ونبدأ أيضاً فى تنفيذ العقوبة 
لا نعطى أنفسنا وقتاً للتفكير 
لألتماس الأعذار أو سماع الدوافع والأسباب 
ربما الخطأ عن دون قصد . ربما هذا التصرف عن فهم غير صائب 
وبما أننا جميعاً نخطأ فالا يحق لنا أن نحاسب غيرنا إلا إذا حاسبنا أنفسناً أولاً 
وأيضاً لا بد أن نرسى مبدأ التسامح عند محاكمة من أخطاء فى حقنا حتى يحق لنا 
طللب السماح حين يحين علينا الدور ونخطأ 

فى السينما

فى السينما 

كان جالس فى قاعة السينما 
بين أصدقائه 
رأها 
جميلة 
متألقة 
شامخة 
لها طلة بهية 
خطفت نظره 
ظل يراقبها طيلة الوقت 
يختلس النظر إليها بين الحين والأخر 
بفكر كثيراً كيف يكلمها 
وهنا جاءت الأستراحة 
خرجت من القاعة 
خرج ورائها 
قرر أن يكلمها . يعبر عن أعجابه 
وهو فى طريقه إليها 
إذ به يقابل صديق لم يراه منذ وقت طويل 
يتبادلان السلام والتحيات 
وهنا المفاجأة 
ينادى صديقه عليها  
يعرفه بها 
فهى زوجته

كلام

كلام .....

أنا لما قلتلك بحبك كان كلام

حبى ليكى كان مجرد شعر ..

كان مجرد كلام ...

حبى لكى حب عاجز .. حب ساكت

حب ما يقدرش يدلك أمان

أسف حبيبتى ..

أصل مملكش غير الكلام

أصلى عاجز .. يأس

معرفش حاجة فى دينيتى غير الكلام 

الجانب الإيجابى

اتصور حين بدأت أن أكتب عن سوريا 
أنى سوف أتحدث عن معانة هذا الشعب 
عن المأساة التى يعيشها مع حاكم ظالم 
لم يعرف سوى أن يبقى فى الحكم 
ولم يهتم لصراخ الأطفال وهم يفقدون أبائهم وأمهاتهم 
عن حاكم مريض 
يعشق رؤية الدم 
يتلذذ بالقتل والتشويه 
ولكن قررت أن أنظر إلى الجانب الأيجابى 
فى شعب قرر أن يبذل كل ما هو غالى فى سبيل 
الحصول على الحرية 
الحصول على الكرامة 
شعب تأكد أن الحرية لا تهب 
بل تأخذ بقوة من حاكم ظالم 
شعب يكتب أمجاد فى الصمود 
لا يهاب الموت ولا يخشى العذاب 
شعب ينسج من إلمه خيوط نور للحرية 
ولأن النظام البغيض ترك المحتل وأخذ يقتل فى أبناء الوطن 
فأعتقد أنه حين تكون نهاية ذلك الحاكم سوف يكون معها نهاية المحتل 
وهنا هو الجانب الأيجابى 

حورية البحر

يا حورية البحر نفسى تتطلعيلى 
انا واقف على الشط مستنى تتضحكيلى 
بحلم اغوص معاكى 
واسبح على شاطئ الغرام 
واغسل هموم ملها الزمان 
انا العاشق انا الولهان 
انا اللى احزانه تملى المكان 
بس عندى امل يا حورية تنسينى 
اسمى وكمان العنوان 
انا الغلبان
انا انسان بسيط تعبان
حلمه مهوش طيران 
حلمة مجرد نظرة حنان 
يا حوريا انا واقف على البحر مستنى 
حتيجى ولا انسى الحلم دى كمان

قد التحدى

قد التحدى 
قدرين يوجهوا الضلمة 
خارج من جواهم نور 
شعارهم احنا انسان عادى 
قادر يواجه 
شايف بقلبه اللى مش شيفها عيونا 
متفوقين مبدعين 
ولا عمرهم خافوا من التجربة 
مش محتاجين غير اننا نحس بيهم 
نتعامل من غير ما نحتاج نبص فى عنيهم 
ايمانهم خلى الضلمة نور 
على فكرة انا بتكلم عن بنات النور

تدوينة

تدوينة 

جلست أحاول أن أكتب تدوينتى اليومية 
أحاول ولكن لا جدوى 
الأفكار والكلمات تملئ عقلى ولكنها مبعثرة 
لا أستطيع أن ألملمها 
أحاول أن أنسج من تلك الخيوط نسيج متكامل ولكن سحقاً 
جاءت كل محاولاتى بالفشل
كلما حاولت تقطعت الخيوط فى يدى
ولا أعرف سبب لهذا
هل فقد قدرتى على ممارسة ما أحب وهو الكتابة ؟
هل أنتهت الموهبة أم أنتهيت أنا ؟
لا هو مجرد تشتت ذهنى وسيزول سريعاً ولكن يجب على الهدوء
حاولت وحاولت مراراً وتكراراً ولكن كل محاولتى جاءت بالفشل
ظننت أنه أرهاق وربما إذا أخذت قسط من الراحة ربما أستطعت بعدها أن أكتب وأجمع تلك ألفكار المشتتة بداخلى ولكن لم يفلح مع شئ
وهنا تأكد لى انه لا مفر من مواجهة الواقع
لقد أنتهت معى متعة الكتابة ولن أجد ما يخرجنى من وحدتى وربما على أن ابحث عن هوايات أخرى
كمشاهدة التلفاز أو الجلوس على المقهى وفعلاً خرجت وذهبت إلى المقهى وجلست وطلب فنجان من القهوة .
وأخذت إلمح الجالسين حولى وأسترق السمع إلى حكايتهم وإذا فجأة أخرجت القلم وبحثت عن ورقة وأخذت أكتب وأكتب وأنا فرح لقد عدت مرة أخرى . عادت إلى حياتى
فأنتظرونى فى مدوناتى . أيها الأحباب

التدوين الموحد التابع لمسابقة التدوين

تامر عبد العظيم رمضان 
مهندس زراعى 
32 سنة أعزب 
اعتقد ان أكثر ما بميزنى هو المجموعة التى كرمنى بها الله ليكونوا أصدقائى 
دخلت عالم التدوين حديثاً عندما بدأالتنويه عن المسابقة 
اسم المدونة على البحر وذلك لعشقى الكبير لبحر 
المدونة عبارة عن توثيق لمواقف مررت بها وذكريات لن تنسى 
اكثر ثلاث شخصيات ( صلاح جاهين - عبد الرحمن الابنودى - ........... ) 
انا اتبع الاسلوب القديم حيث لا اعرف الا استخدام الورقة والأقلام فى الكتابة 
اهم مايميز تدويناتى هى انها تعبر عن تجربة شخصية 
اعتقد ان التدوين اصبح شكل قوى فى عالم الادب واخذ طريقه بقوة وذلك لظهور جيل جيد جدا من المدونين 
http://tamer-albaher.blogspot.com/2012/06/blog-post_19.html
هى تجربة شخصبة جدا وقت مررت بها بالفعل 
للتدوين تأثير كبير على حيث انه اخرجنى من عالم الوحدة الذى كنت اسكنه منذ فترة 
سؤالى للمدون محمد سلطان : بماذا تشعر وانت تتدون

يوم الجمعة

يوم الجمعة
كان زمان اليوم اللى بنستناه طول الاسبوع
لمة العيلة فى البيت الكبير
والقاريب والاهل متجمعين
ولعبنا ايام مكنا صغيرين
فرحة الجدة بينا
والصلاة ورا جدو جميلة
كنا مش شيلين للدنيا هم
كانت الضحكة بصوت يرن
وفى العصارى نقعد نسمع حكاوى زمان
وقبل الليل ما يدخل نجرى على الدكان
نجيب بونبونى وشيكولاتة
ونزعل قوى عشان اليوم خلاص حيخلص
ونقول يا ريت يكون أطول كمان وكمان
وراحت الايام وجريت الايام
واتفرقت اللمة
وبعد الأهل والأحباب
ومفضلش غير الذكريات
وانا نفسى يرجع تانى يوم الجمعة
ونتجمع اهل وأحباب

أصل وصورة

شوفتها 
مصدقتش نفسى 
أخيراً 
من زمان ما شوفتهاش 
كانت وحشانى جداً 
كنت عايز أشوفها بأى شكل 
جريت عليها 
وأنا بفكر حقولها أيه 
أكيد أول حاجة 
حقولها وحشانى جداً 
حاسس أنى بطير وأنارايح لها 
وأول ماوصلت 
أكتشفت ..............
أنها واحدة تشبهلها 

تغير المسارات

تغير المسارات 

فى أحدى المرات 

وهو جالس مع نفسه 
ماسكاً بكوب الشاى 
أخذ يفكر فى حاله 
أعاد على نفسه مشاهد كثيرة من حياته 
لم يعجبه كثير من تصرفاته 
هنا قرر أن يغير من أفكاره 
يتبدل 
يتحول 
لا هو كل ما يريده بعض التعديل 
تغير المسارات 
يحاول النظر للأمور بشكل أخر 
ترى هل ينجح 
أم أنها محاولة فاشلة منه 
هو يبذل كل مافى وسعه لكى ينجح 
حتى ............
يبدل الأفكار 
يغير المسار 

فى الشارع

قرر أن يسير فى الشوارع
أن يلتحم بالزحام
يتأمل العيون
يصنف الوجوه
لا يبحث عن شئ معين
يسير فاتحاً قلبه
عائداً إلى حلمه
ينظر يميناً ويساراً
يبتسم
ولا يعرف سبباً لتلك الابتسامة
عجباً لقد أصبح متفائلاً
يشعر بالألفة وسط الزحام
قلبه ينبض
يأخذ أنفاساً عميقة
يخرجها بأرتياح
أنزل حموله من على كتفيه
أصبح بخفة ريشة
يشعر أنه يطير
يسير وهو متأكد أنه سوف يجد البداية
سيلتقى لحظة الميلاد
وهنا عرف أنها الحياة

عندما يأتى الصيف

عندما يأتى الصيف
دائماً أنا فى أنتظار الصيف أظل أنتظره منذ أخر يوم فى الصيف الماضى . أنتظره بلهفة المشتاقين
وعندما يأتى أشعر بفرحة طفل صغير أخذ لتوه هدية كان ينتظرها
وأتذكر سريعا كل ذكريات الصيف منذ كنت صغيراً اتذكر اللعب على الشاطئ ورماله الناعمة .
مياه البحر وهى تغسل كل أتعاب الدراسة
يدخل الصيف وذاكرتى تذهب سريعا إلى تلك اللحظات الممتعة فى ركوب الدرجات . العاب الشارع المسلية مع الرفاق
انتظار رحلى المصيف مع العائلة .
تلك الطيارة الورقية التى تصنع من بقاية كرسات الدراسة
دائماً الصيف بالنسبة لى هو نبض الحياة . الانطلاق . السهر حتى ظهور أضواء النهار .
وكبرت ولم أنسى تلك الذكريات ولكن أضيف إليها أنتظار الأصدقاء العائدون من المهجر بعد عام من العمل المستمر ويأتون فى الصيف أنتظرهم لنستعيد تلك الذكريات ونتأمل فى حالنا وما وصلنا إليه
ونحاول أن ننسى ما نحن عليه ونتخيل أننا أطفال ننطلق لنجرى بالشوارع ونقف فى الطابور ننتظر كوب من الايس كريم ليرطب علينا
ولكن سرعاً ما تذهب أيام الصيف ويلملم الأصدقاء حقائبهم ليعودوا إلى أعمالهم
وأظل أنا أمارس روتين حياتى الممل ولكن ما يجعلنى مستمر هو .......
أنتظارى للصيف المقبل

حنين الطفولة

حنين الطفولة

عاشق للاطفال منجذباً دائماً لابتسامة طفل
يلاها من براءة لا مثيل لها
اجمل لحظاتى
هى ما أقضيها وسط الأطفال
حينما اذهب إلى اى مناسبة يتجمع فيها الأصدقاء
أجد نفسى تاركاً لهم
ثم أجمع أطفالهم حولى
واستمر فى العب معهم لأوقات طويلة
أشعر بعدها براحة غريبة
أخرج الطفل الذى بداخلى
أحرره
أتركه على طبيعته
بدون قيود
أعبث وألعب وأضحك على اتفه الأشياء
يا لايت الحياة تظل هكذا
 حياة طفولية بلا قيود ......

أنا مش فارس

أنا مش فارس
أنا مش فارس ولا ليا حصان أبيض
أنا محبوس فى سكوتى
أنا المخنوق وحابب خنقتى وخوفى
أنا اللاشئ وسط الزحمة والتوها
ولو بصرخ صرختى مكتومة محبوسة
سؤال وسألته كتير أنا لنفسى
أنا مين ؟
أنا الفارس اللى مستنياه أميرته
ولا أنا الجبان اللى محبوس جو تهته
أنا اللى وجوده ميفرقش من عدمه
أنا مش فارس ولا ليا حصان أبيض

 

بعد الثلاثين

بعد الثلاثين 

لقد تجاوزت ان عمر الثلاثين وها انا اشعر بتغير كبير فى حياتى 
اصيحت اكقر عقلانية افكر كثيراً قبل اتخاذ أى قرار 
وقد كنت فى الماض لا أفكر بل كنت مندفعاُ 
لا أيالى بأى تصرف ..........
كنت أسمع عن أزمة منتصف العمر ولكن لا أظن أنى أمر بها 
هى شئ مختلف تماماً وكلياً 
هى مرحلة أستخدام العقل فى كل أمور الحياة 
هى معايشة الواقع بكل معانيه 
هى تغلب العقل على العاطفة وتجنيب القلب عن اتخاذ القرارت 
هى مرحلة ما بعد الثلاثين

تشرب شاى

تشرب شاى ماتيجى يا عم تشرب شاى
فى كوبيا وبالنعناع
تاخدلك شفطة تتمزج
تنسى الهموم تعدى السور
وتسرح فى ملكوت الخالق
وترجع تشرب شويا كمان
تقول يا سلام على دا جمال
دى أحلى شاى وبالنعناع

يا مركبى

يا مركبى شد الشراع دى الريح معدى
وأربط المجداف دى موج البحر صحبى
وأمسك الدفا بأيد العدل
وأضرب الضلما بنور الحق
وأرفع على السارى علم أبيض
وأنده على القلب الصار أطيب
يهل خيره ويتقرب
نرفع أيدينا لرب العباد نشكر
ونسأل الموالى حياة أطيب

فى الميدان 

فى يوم من الأيام نزلت وروحت على الميدان 
لقيت الناس هناك فى تلاحم عجيب  
كأنهم خيوط نسيج متراب على النول 
نديت وبأعلى صوت .... 
يا ناس يا ثوار يا أحرار 
أنا ابن الشهيد وأبو الشهيد وأخو الشهيد 
اللى دمهم لسه بيصرخ حقى فين 
خدونى ضمونى خلونى أصرخ وأنادى 
أنا هنا يا بلادى 
أنا المظلوم أنا المقهور 
بس النهاردة  خلاص مفيش ظلم مفيش خضوع 
من النهاردة كلنا أيد واحدة حنسقط دولة الظلم 
حنحطم الطغيان 
حنرجع حق الشهيد اللى مات وهو بيبتسم لبلادة 
حيرحل السلطان ويحكم الشعب اللى كان غلبان 
لكن النهاردة صبح من الشجعان
ويا بخت اللى كان معاهم فى الميدان 

يفكر كثيراً فى الذكريات
محبوس بداخلها ..
يتعايش معها على أنها واقع
وقد يخسر بالفعل ما يملك
ترى .. لماذا هذا الحنين والتمسك بتلك الذكريات
لماذا نفتش دائماً بالماضى
ونسعد بتذكره رغم كل ما به من آلم ....
هل هو حنين لما مضى
أم حنين لسذاجة لم تعد موجودة

 شروق وغروب

بين الشروق والغروب
جالساً متأملاً
تلك الأشعة الشمسية واحدة
ترى لماذا تبعث فى الشروق الأمل
وترسل فى الغروب الألم ...

عبيرها 

لا أعلم هل تلاحقنى الذكريات 
أم أصبت بالجنون أم انى لم أشف بعد من ذلك المرض المسمى حبك  
كنت عائداً إلى البيت من بعد يوم عمل وكالعادة أخذت مكانى فى ذلك الميكروباص 
جلست بجوارى فتاة لم أحدد ملامحها ....
ولكن فجأة تسرب إلى أنفاسى تلك الرائحة وعلى الفور تعرفت إليها 
أنها عطرك المفضل والذى كان يميزك 
تذكرتك على الفور وسألت نفسى 
لماذا تلاحقنى ذكريتنا فى كل مكان أذهب إليه .... يبدو أننى لم أتخلص بعد من تلك المشاعر . 

راجع من السفر بعد يوم شاق ومرهق جلست فى مقعدى فى القطار
وكنت أظن أننى سوف استغرق فى نوم عميق ...
وبالصدفة كان المقعد الذى بجوارى خالى
وفجأة تذكرتك ...............
تذكرت رحلتنا معا وكم كانت تلك الرحلة ممتعة تذكرتها بكل تفصيلها لدرجة أننى تخيلتك تجلس بجوارى وقد تشابكت أيدينا لتعترف لكل الجالسين بجوارنا أننا عشاق .
ولكنى أستيقظت من ذلك الحلم .......
لأدرك أننا أفترقنا ولا يوجد فى العالم قطاراً يجمعنا

يا أميرة أسيرة بتستنى الأمير 
يا جميلة غريبة بتتمنى الحنين 
بحبك بس حبى شئ بسيط 
وأنتى حبك فى الوجود ذى الهدير 
بس لو شوق الليالى كان يميل 
كان فى قلبى حب يجرى ذى سيل 
كان لروحى من نسيم العشق فيض 

البحر ثائراً

البحر ثائراً
موجه متلطماً
تراه غاضباً
ويراك خائفاً
وانت تائهاً
شاطئه صابراً
وموجه حائراً
البحر ثائراً

أفرد جناحك وطير فى السما
أنده بأعلى صوت فى الخلا
حاول تكون فارس
فى زمن راح منه الفوارس
أحلم وسافر فى الفضا
دور على حلم الصبا ...........

لماذا استيقظت اليوم اذكرك
فمن يوم ان افترقنا انا لا اعرفك
والغريب انى اتذكر كل ما مررنا بيه اتذكر كل تفاصيل السعادة التى منحتنى ايها عفوا انه اليوم فقط اذكرك ولكنى لن اوعدك انى سأظل اتذكرك

على البحر

على البحر قاعد ووشى للمياه
تضحكلى موجه
ضحكة صافية
وموجه تانية تجى وتطبطب بحنية
يا بحر نفسى تغسل همومى
وياخدنى موجك وأبقى نقطة مياه